Lamka, Dec-13(PhualvaTimes): Ccpur District Sports Association (CDSA) saina a November 25, 2019 akipan Lamka Public Ground a (Late) D. Henkholet Haokip Memorial District Third Division League -2019 neih a om zan (Dec 12, 2019) in Final kimawlna om a, huai ah T. Cananphai Y.C in Chavang Ahsi F.C-te 3-2 a zou in champion hihna la uhi. 3rd Division League 2019 a team 18 kihel uh a, amaute lak ah Pool champion team 4-te 2nd Division, 2020 adi’n promote in om uhi.
Final kimawlna ah Chavang Ahsi akipan Ngamkholal (#7) in minute 22 in goal masa khum a, minute 2 lel kihal in T. Cananphai akipan Kaiminlal (#8) in goal khat khum in, half time ah 1-1 in kidraw uhi. 2nd Half ah Chavang Ahsi akipan Genkhosat (#2) in minutes 38 in goal khat khum nawn a, huai nung minute 44 in T. Cananphai apan Thanggou (#10) in khat khum nawn in, 2-2 in kimai uh a, kisi thei mahmah uhi. Hun beina ding minute 10 om in T. Cananphai akipan Thanggou mah in goal khat khum nawn in, hun bei a 3-2 in T. Cananphai in zou a, 3rd Division League 2019 Champion hihna la uhi.
2nd Division adia promote a omte Group A apan Headquarters Athletic Union (HAU), Group B apan Chavang Ahsi F.C (CAFC), Group C akipan T. Cananphai Y.C ( TCYC) leh Group D apan Brothers Union (BU) hi uhi. Hiai League ahihleh Lajangphai a om Elder D. Paokholen Haokip leh a innkuante’n a donate uh hi a, Champion in Rs. 10,000 + trophy sang in, Runners-up in Rs. 5,000/- + Trophy sang uh a, Individual prize sang te’n Rs. 500/- ngah uhi.
Final Result:
Chavang Ahsi F. C 3-2 T. Cananphai Y. C (FT)
Champions: T. Cananphai Y. C
Runners-up: Chavang Ahsi F. C
Individual Award:
1. Best Goalkeeper: Thangkhankap @ Raju of Headquarters A. U (Goal 3 khahsuah)
2. Most promising player: Seiminthang of Angels Place S. C
3. Top Scorer: Unagi of Nunlui F. C (7 goals)
4. Best player: Thanggou of T. Cananphai Y. C
Runners-up – Chavang Ahsi FC receiving cash prize
Promoted to 2nd Division:
1. T. Cananphai YC
2. Chavang Ahsi F. C
3. Headquarters Athletic Union
4. Brothers Union.
Club kihelte
Group A:
1.Headquarters Athletic Union (HAU)
2. Kangvai FC (KFC)
3. Chiengkonpang YC (CYC)
4. SC of Central Lamka (SCCL)
5. Angels Place SC (APSC)
Group B:
1.Chavang Ahsi FC (CAFC)
2.Nunlui Club (NC)
3. Gangpimuol YPC (GYPC)
4.Thenmuol FC (TFC)
5. S. Munnuam YC (SMYC)
Group C:
1.T. Cananphai YC (TCYC)
2.VENUS (Vengnuam)
3.FC Miljoulou (FCM)
4.Mualsan YA (MYA)
Group D:
1.Brothers Union (BU)
2.Zoumunnuam FC (ZFC)
3.L.Cilon Athletic (LCA)
4.Obadiyah SFC (OSFC)
Leave a Reply