Lamka, April-14 (PhualvaTimes): Pearsonmun a om Tunnu School of Nursing (TSN) a GNM 1st Year sinte adi’n ahongtung ding April 16, 2019, Sepnawnni, in Pearsonmun’ Community Hall ah Lamp Lighting & Capping Ceremony, 2019 zat hiding hi. Hiai hun Vumlunmang Vualnam, IAS, Principal Secretary (H & FW, Sericulture) in Chief Guest hihna tawh uap ding a, Functional President in Shyamlal Poonia, IAS, DC/CCpur leh Chief Host in M. Roma Devi, Jt. Director (Nursing), Directorate of Health Services ban ah Guest of Honour in Dr. V. C. Pau Tonsing, CMO/CCpur in uap ding uhi. Host in Dr. Zuii, Medical Superintendent, District Hospital, CCpur pang ding a, felicitation in Rev. V. Khamvum pang ding hi.