Team CT Lian saina in June 1, 2019 nitak in Damkam Bazar a Aron & Sasha Shopping Complex building kong ah Naungek Chinglunkim (3month) panpihna ding in ‘KIMKIM COFFEE NIGHT” neih in om a, hiai hun in paikhawm mipite apan ₹38,615 muhsuah in om a, tuzing in Pastor Dr. Muan (PCI) tungtawn in Kikim innkuante khut ah piak in om hi.
Naupang Chinglunkim ahihleh ngeina bang a daileng theilou hi a, ek thak theihlouh ziakin operation bawl ngai ding a, hiai ding a sum poimohte CT Lian team in zonpih sawm in Street Concert sai uhi.
KIPAHTHU GENNA
Zan tarik 01st June 2019 nitak a Damkam bazaar mun a KIMKIM COFFEE NIGHT lohching tak mai a zoh ahihtheih man in Pathian kiang kipahthu i gen masa hi.
Hiai charity nitak a naungek adia panpihna sum kimu khia teng a vekpi in Rs. 38615 pha a, hiai pen zingkal in Pastor Dr Muan (PCI) tungtawn in a innkuante khut ah piak hita hi.
Hiai program lohchinna dia phatuamngai a tutna hong lepsak Nehru Marg apan naupang 4 te, volunteer a hon pansak lawm leh vual banah cousin te, stall, chair, table, chini, bawngnoi,
coffee, nou a thawn a hon pia Col.Mithun Shetty, CO leh Jayesh Desai Town Commander 25 Assam Rifles,HQ veng te, singpi omna di thuk hon zangsak Sauliim Restaurant te, Tutna hon khelsak Principal New Lamka Upper School banah van puakna dia Gari hon zangsak We Print te, Laa siamtak a hon saksak tute teng banah abik in hon kaikhomtu S. Pauginmuan, Muanlal Tunglut leh Muana Hangzou te,decoration item athon a hon pia Burma Store te ban ah sum leh pai hong thoh a coffee hong dawnsak tute tengteng tung ah kipahthu a thak in ka hon gen uhi.
Kipaklua ung…
Team C T Lian
Leave a Reply