office of the
ZOMI COUNCIL
HEADQUARTERS: LAMKA
Mipite Kianga Ngetna Leh Chialna
Manipur a Zosuante dinmun dengdel taka om awlmohna lianpi toh UPF & KNO heutute’n 2008 apan Government toh kihouna nei mahleh tunitan gahsuah thei nailou hi. Huchih lal in. Naga Issue final thei dinmun a om gige ahih banah Manipur phaizang a omte’n leng hiai hun a hamphatna neih ding delh uh ahi chih muhtheih in om hi. Hiaibang kal ah, UPF & KNO heutute panlakna zathuap a mipi’n leng panlak poimoh sakna akineih ziak in, Zomi Council nuai a Tribe – 9 teng leh Zomi Frontal Organisation teng Joint Meeting thupukna bang in Lamka ah a hongtung ding dt. 25th November 2019 (Seppatni) in Public Peaceful Rally neih kisawm hi. Hiai hun toh kituak in Delhi leh Sub-Divisional Headquarter tuamtuamte ah leng Public Rally neih ahi ding.
NDA heutute’ thuchiam bang in UPF in KTC/ZTC proposal ana submit ta uhi. Zosuan/Zofa I hihna kuamah ahaih ki omlou ahihna ah, Zoland Territorial Council (ZTC) in chl-le-nam khentuom lou In, Zosuante peuhmah huamkha ahihbanah kuapeuh In I pomtheih pen ahihdan i theichiat uhi. Huaiziak in, Zoland Territorial Council bawlkhiak ahihtheihna ding in, heutute’ panlakna nang leh ke’n i nungthuap a, Government bil deng pha ding khop a kal i suan khawm a, ‘AW’ i suah ngai ahita.
Rally ding toh kisai a chiamteh tuakte-
•Ani: 25th November, 2019
•Ahun: 10:30 am – 12:00 noon
•Kipatna mun ding: Tangnuam Public Ground
•Public Meeting : Lamka Public Ground
—Hiai hun ah Siamsin naupangte sukbuai ahikei dia, himahleh, poimoh ngaiha hong tel thei a omleh kipahpih ahi uh.
—Rally neih hun sung sumdawngmi leh dawr/sumbuk bawlte’n leng hong uap a, hong tel chiat ding a nget leh theihsak ihi.
—Rally a tel ding te’n mahni tribe puan/liangbat toh kuan chiat ding ahi.
Zosuante makhua ding khualna a Rally programme hong kisawm pen kuapeuh in Thumna a bohzui ding leh taksa mahmah a hong tel chiat ding in i ki ngen thakthak uhi.
Zosuante ading: ZTC mah awle!!
Nam a dia na seppih uh
(JOHN K NGAIHTE)
Chairman Zomi Council
(NANGZAKAI SUANTE)
Gen. Secretary Zomi Council
Leave a Reply