Maban election adia kisakkholhna pailel ah mipite’n 58-Churachandpur A/C apan Candidate te thiltup leh dinmun atheih chian sem uh deihna tawh PhualvaTimes in Candidate tuamtuamte houlimpihna kinei a, February 19, 2017 nitaklam dak 4:00 in Independent candidate CT Lian Guite tawh atenna inn uah houlimna kinei hi.
Q1. Pu, Churachandpur A/C apan candidate dangte sanga MLA dia chinzaw hi a na kitheihna non gen thei diam?
CT Lian Guite: MLA dangte sanga chinzaw hia ka kitheihna ahihleh tutanpha in MLA ana omsate’n MLA hingal a mipi ai-awh khalou hi’n kamuhna khat a om a, Bill thu ah leng mipi represent khalou, a sep ding diktat tak a sem dinglai a,sep uh kithei lou chih tamtak a om a, i gam i lampite zuun ding tampi om zuunlouh in om a, banah i gam humna ding a panla omlou banah a poimawh penpen i gam a gentheihte phawkpha om nailou hia ka theih ziakin, ken ka phawk vek chihna hilou in, MDC vai a kum 1 bang kana sepna ah transparency ichih khong ahihkeileh thil ahiding bangtak apai sak thei hihna lam ah huailam ah ken amaute’n ahihkei uh chihna hilou in amau akilanglou sangin ah ken akilangkhia a bawlnuam in huailam ah chinzaw ding in gintakna kanei a, a senior sa mi 2te hihlouh ken thil transparent a hihnuam ka hihman banah kum 1 report pethei mi ka hihna ah amau gel sangin chinzaw di’n ngaihdan ka nei hi. Huaibanah, a chingkha nailoute lakah leng kum 6 bang social worker a ka sepna tungtawn in nasep lamah sepkhiak om a, amaute’n huchipi a gending sepkhiak nei nailou ahihman un amaute sangin advantage neizaw danin ka kikoih hi.
Q2. MLA omzia na hon hilhchian thei diam?
CT Lian Guite : MLA ichih dan bawltute ahi uh a, India dan sungah ikipuakdan uh a om a, Union govt a om a, huaizawh state govt a om a, MLA i chih chiangin area khat sunaga dan tawh kisai a thuneihna nei ahi uh a, a thuneihna uh chi 5 in a kikhen a, huaite zangin agam mite deihdan Assembly a va tangkoupih ding, huai kihoukhawmna om chia va gen chihte ahi. A thuneihnate (1) Legislative power: Huai ahihleh dan tawh kisai dan in bang tuunkha hiam ichihleh Police chihbang, Jail tang ding chihte bang irrigation, agriculture chihte local govt ah, public health ah, biakna ah lam saptuam tawh kisai, huaibanah sivuina chih tanpha a, i culture mihing tuamtuam mun khat a tua teng diudeu, tawndan tuam neite hichia, amau tawh kituak a zattheih/implement theih ding dan va pawlut theihte ahi uhi. Law leh education system bangle hoih a sak kei uleh pawlut theiding, kitenna banah divorce chih khong, huai banah singleh lou thu ah forest leh gamsa leh vasate kepbitna ding a, leng panla thei a dan bawltheihte ahi uh. (2) Financial power: Hiai in agennawp bel MLA ichih chiangin state sunga employee tampi nei un, development work tampi leng nei uh, huaite kum nawn financial chianga kum nawn a bangzah zang di, kum nawn sunga hiai zah budget bawl ding chihte ah say nei uhi. A kidaih ding leh daihlou ding tanpha leng amau financial power nei uhi. Amau donglou in bureaucrats te’n Budget pawng bawlthei mawklou uh a, MLA-te ngaihdan lazel uhi. (3) Executive power a om nawn a, huaibang hiam ichih leh amau govt in scheme tuamtuam aneihte IAY ichi a, tek panpihna, Pension sum ahihkeileh loan hilou govt in scheme tuamtuam aneihte laka hiai piaktuak piaktuaklou chihte ah leng banghiam tan ah say nei uhi. Huaibanah area development fund chih a neinawn uh a, huai in a area sunga ua budget a kiguang khalou lah mipi adia poimawhte a sepsuahna ding uh ahi hi. Huaibanah electoral lamah leng MLA te’n electoral power kichi President a kitel ding chiangin amau vote nei uh a, huai banah constitutional power kichi khat a nei nawn uh a, India dan bupi in centre govt in dan khat amendment di om hiam MP te’n lemsa leule MLA-te lemsakna leng alak uh ngai nawn hi. I gamsung hoihna dia policy leh suggest pawlut theite ahi uhi.
Q3. Gam-le-Nam humbitna tawh kisai Manipur Hill Areas huapsung ah Tribal MLA-te’n bangtan ah mawhpuakna anei ua?
CT Lian Guite : Tribal area pen amau khut a kinga ahi. Himahleh Manipur omdan pen double standard a om inchin tribal leh phaijang mi a ina kikhen ziakin 1971 a state amuhma ua tribalte amau a kihumbit theihna ding chiin Artcile 371-C pansan in tribalte adingin Autonomous District Council ei tribalte adi’n honpia uhi. Gam leh na humbitna tawh kisai in MLA te’n mawhpuakna lianpi anei uh a, ADC pen izat siamlouh ziak uh hi’n ka mu hi. ADC honpiak chiang un ei a hausa kihi mai a, hausa thu donglou a, midang in bangbang hiam hong hihtheih leh bel hausa ahai chihna ahi. I rights tak thei hileng zan zek a Bill thu bang ale hon donglou chih pen hithei mawklou a, hon dot kei ua, ei a gamhausa ihihchia ei mahmah khat a kinga ahi a, MLA-te’n Tribal area humbit ding pen amau khut mahmah a kinga ahi. MLA te’n amau constituency chiat ah thuneihna anei uh a, etsakna ding in CCPur bang MLA 6 om inchin, MLA khat in issue khat pawna lua in kiveivei mawk leh adangte a kiconvince tuankei leh hitheilou om a, himahleh MLA 6 teng akituah nak ua munkhat a apaikhawm theih na uleh state in ahihtheih uh om saklou ka hi, tuni’n i senior politician uh azahtak huai uh a, hilele a kihou khuk ki-omlou inchin kuamah singpi dawnkhawm thei omlou mawk uh a, bill 3 tawh kisai in atangzang deuh bang om in na taikual in pangkhawm leu OK hou om di’n gintak huailou hi. MLA khat in Assembly ah kou constituency in huai deihlou hiveng ung aw chiin dingtang ngam leh buaihuai teitei di’n gingtak huai hi. Tua poimawh bel mipi deihdan tangkoupih a dingkhe gam ding poimawh a, a gam mipi deihdan phugam ding kipoimawh hi. Hill areas tungtang ah mawhpuakna MLA-te tunga kinga lianpetmah a, tun ah student organisation hi’n pawl tuamtuam in state taikan in centre ah i thil deihte nget chihtak a nget sang inleng MLA khat maimai in tua agente banah a mipi deihdan memorandum in genthei leh huai in impact lianpi nei di’n ka gingta hi.
Q4. Tulel dinmun et in, Manipur State Assembly Kivaihawmna ah Tribal-te a ding a National Political Party Ticket a poimawhna bang om hihiam? Party zomlou a Independent a na hong din ziak a om hia?
CT Lian Guite : Tulel dinmun etin National Party a poimawh luatna ding ka theikei. A poimawhna omkha thei ahihleh Ruling a om experience hoihtak hi’n senior politician lianpi khat kihi henla, tribalte adi’n role lianpi nei di’n ka gingta a, hilele huchilou a party hong kipanthak tungte adia bel huchitak in poimawh kasa kei hi. Aziak ahihleh National Party khat ihihna dingin Manipur context a enlehang ei minority ihi a, senior mahmah a mizahtak a min neisa ihihkei leh tun party khat ah va tawmlut leng phaijang mite’n le ana bawhthou ding uh ahihna ah ei tribal mite’n leng ibawh nawn chianga huai muntaka ei minority veve thou ding kihi ahi. Phaijang mite’n amau interest mah hon gen masa pen ding uh a, mi 20 lak a ei 1 khong kihi ding ahihman in secretary banga hon koih mawklou ding uhi. Politics i chih pen numbering gam ahi a, on paper ah BJP ziaka ching Congress ziaka ching kihi veve ding a, huaiziakin tulehtu dinmun ah ken Independent hoihkasakna pen a, 3 bills omlai, sulphate leng kivui nailou imaban a ituahpah ding hinchin buaibanah a langkhat lam ah Meitei te’n le ILP issue, ST demand bang, Naga issue, district thu ah hiai teng election zawh chianga genkhawm ding bang hitaleng Meitei te’n amau issue hon poimawh ngaih masa ding, a number aleng hong tamzaw ding uh, BJP lak aleng tamzaw ding, Congress lak aleng tamzaw ding uh, huaiziak a en huai kingak zoulou ding hilele huaimun a mi party ticket a MLA vaching ihihchianga min a bag sunga a hon guansa uh a deihnana a hon tawl ding hi unchin, huaiziak in, tulaitak a Independent a poimawhna ding pen bel i rights gen nuam ihihchianga mi bag sunga va kiguan masaklouh a, i gennawp pen gen masa ding in, mi’n i theihlouh a poimawh ahon sak uleh hiai nawn hisak ding ding leh chiat lut theih ding ahi. Nasem in thilhoih hihleng mi’n hon theidia, i gam a mi party vazat chihkhah kei ngaihdan ahikei a, i gam hoih a smooth tak apai hileh bel party leng a poikei a, himahleh tulel in ei adia a lawkna ding lua om hi’n ka theikei. CCpur ateng bang Independent in ding bang hileng govt form ding chiang in alom in a bawh utna bawh leng igen hong paipan ding hi’n kamu a, a sunga va lut masak pen bel tuleh tu in relevant kasa kei.
Q5. Hill Areas Committee Order, 1972 ah Members (19 + 1) = 20 om uhi. India Dan Bupi Khenpi 371C-na nuai ah Special Provisions Tribal mite a di’a piak a om thuneihnate tawh kituak in (Powers & Functions) bangchibang a sepkhiak na sawm a?
CT Lian Guite : Denlam a igen khaksa bangin khawvelin alepsa om inchin, Anganwadi ichihte bang le kum 3 nuailamte Anganwadi ala ding, huaitung lamte School ah kaisak ding chihdan bangin govt in pai dingdan a lepsa diudeu om inchin, tuni’n a power uh sukhat ngai kasa hi. Power devolution omsa pen fully a function sak ding. District Council teng sukhat ding. State in thil himhim hiai nanga ding chia hong luikhe lou ding hihman in, en a dan omsa pen suthat ding ahi. Etsakna dingin MANIREDA bang Imphal area a operate ding hilele hill district apen Hill district renewable energy chih khat bawlkhiak a hihtheih ding hinapi, huailam pen abah luat ziak a, empower ding ahi. I power om nasan kizang theilou dan a tampi ka muh ziakin, sut hat poimawh a, ka tuppen leng ahi.
Q6. Hill Areas Committee in Singtang Gam huapsung ah bangtan a thuneihna nei hi hiam?
CT Lian Guite : HAC in full power nei ahi.
Q7. MLA a telching hilechin HAC in Schedule Matters a thuneihna aneih dungzui in “Tribal Land Holding System” tawh kisai bangchibang a panlakna sawm a?
CT Lian Guite : Dan omsa ahihman in Hausa a kivaipuakna pen suthat thak ding, hausate tunga patta piakkhiak theihna ding dan bawlkhiak uthuai kasa. Inndongta vai a kipawte ihihman in Land Holding system bang leng eipaidan a puaklut hoih di’n ka gingta.
Q8. HAC Order, 1972 dungzui in Five Year Plan and Annual Plan Budget Hill Areas & Plain Areas ah akituam vilvel a a om ding chih himahleh tunitan huchibang a omlam kitheilou ahihman in, MLA telching in omle chin, ‘Bangchibang a panlak na sawm a?
CT Lian Guite : State ate’n kou kon bawl ding uh chihpian dan a om khak gige ziakin District Council encourage a, ken state a ana support ding di’n pan kala ding. State lam a nawlkhin omgige pen om nawnlou a, Tribal sub plan kichi 35.1% vel om a, hill district te’n a fill up ding uh hinapi huai fill up dingdan a state a ana pang ding omlou, hill district-te’n atuam a budget amuh theihna ding un pan kala ding.
Q9. Local Self Government tawh kisai: ‘Manipur Hill Areas’ huapsung ah “The Manipur (Hill Areas) Village Authority Act, 1956” leh Phaijang huapsung ah ‘Rural Areas’ ah “The Manipur Panchayati Raj Act, 1994” om hi ~ Dinmun kibang a ngaih/koih a om hi ngal a, ‘Bangziak a Powers & Function kikim lou a om zel hihiam? Legislator khat hihna tawh kiton in bang a na ngaihdan?
CT Lian Guite : Eilam pen in adan omsa nasa claim theilou ihihchiang ua, kuaman lah hon spoon feed lou ding ahihna ah, MLA ching hileng lehkha siam lam himhim dan theilam himhim tam theilam kihel theihna dia encourage bawl a, i rights te i enjoy theihna ding uh MDC lam encourage ding ka tup ahi.
Q10. Hill Areas huapsung ah Hausa Inpi Vaihawmna (Village Authority) tawh kisai Dan (Act) bawlphatna neih kul-le-poimawh hi in na ngaihsun hia? ~ Huchi hitaleh, aziak point 5 sang a tawmzaw lou na hon hilhthei diam?
CT Lian Guite : I tawndan pen encoding bawl a, huaipen dan a, hihsuah di’n hoih kasa. MLA hileng initiative kalak ut ahihleh singtang ah gamlianpi inieh a huaite tengteng abubit theihna ding in, SDO a jamabandi i lak dandeuh in hausa inleng a tenna mun uh a, a um khakna mun uh amau adia patta pethei leh igam le kinei ding, i gam leng bit ding. Singtang ah kum 20/30 teng lengle ei a hi ngeilou ding, sense on ownership kinei kineitheilou, Lamka lam a pempem. Lamka abel lianlou ineihte bangleng ei a hiden thei a, ideihkei thak leh kum bangzah hiam nunga zuak thei kihinawn hi. Huaiziakin sense of ownership i neihtheihna dingin hausa gam pen a tengte adia piakkhiak theihna dia panlak ka ut a, huai hileh tuasang in i singtang gam bangle hong bitzaw dingin ka gingta hi.
Q11. August 31, 2015 ni a 3 Bills Manipur Legislative Assembly ah passed in om a; sitting Tribal MLA-te or, HAC Member-te kuamah aphun-apau khat lel leng om lou uh chih ahi a. MLA Candidate khat na hihna tawh kiton in nang mimal ngaihdan siangthoutak na hon gen thei diam?
CT Lian Guite : Huaimah ahi denlam a ingen, MLA-te mipi representative hi uh a, asang a sing a sim pa-lai hi uh a, gen ding om inchin himahleh amau represent khalou uh huaimun taka selection ahihziak uhia, ahihkeileh mipi represent taktak itelkhak nailouh ziak a assembly a i buai hun ale hon represent theilou uh. Hiai pen ziak mah aleng hong ding ka hi a, mipi deihdan phugam leh ding ngam dia hong kisa mah ka hi a, ahihzawh kei uleh leng a mipi ngaihdan agen ngal ding ua kilawm kasa a, represent khalou kasa a ka mawhpaih mahmah.
Q12. I pu-i-pa satsa gam humbitna ding tawh kisai Manipur Inpi ah mipi palai di’a sawllut a om hilechin Dan dungzui a bangtan ah panlak theih hi’n na koih a?
CT Lian Guite : A tunga MLA-te thuneihna kon gen mah bangin Land right leh forest protection lam ah thuneihna nei uh ahihman in mipi’n adeihkei uleh say ka nei ding a, hoihpen dia ngaihdan/policy kaneih leh ka mipi ka thuzawh(convince) sawm ding a, huchia dan a pai theih keileh bel a tamzawte deihdan ahiding a, Pupa satna humbitna ding ah MLA khat maimai inleng nasatak a impact neidi’n ka gingta a pan kala ding.
Q13. Mipi lunggulh mahmah ‘Political Aspiration’ thu tawh kisai: Dan dungzui a atuam kivaihawmna chikhat, India Dan Bupi, Art. 244A nuai a kivaihawmna ahihke’h Sixth Schedule Provision nuai a Territorial Council tawh kisai, MLA na hihchiang in bangchibang a kalsuan na sawm a?
CT Lian Guite : MLA hileng mipi’n 6 schedule adeih a, separate administration chihte ideihleh huaite gel kal a clear cut khat bawl dingin, huai dinga committee khat set up ding. Huai committee a a tuam mawngmawng a department khat bawl di’n huai pen in i tribal right vengtu ding enkai ding uhi. Dept in Meitei te’n hon nelhsiahna point tuamtuam- Biakinn halna, kam hon tuhna, i reservation uh hon sukhakna chihte ah evidence thamthei lam kaikhawm a, huai pansan a 6th schedule (full fledge) kou poimawh ka hi uh, chi hiam ahihkeileh territorial khat a tuam mawngmawng poimawh ka hi uh chih theih ding hi. Huaibanah, thil deih a i nget chiang un, kam neilou ngen, student organisation khong in govt a thil nget ineih chiang un, a govt sukha banlou hi’n ka mu a, huaiziakin, MLA khat in a mipi a represent khakna sunga govt kam nei omte hoihtak a influence in, thil muhna nasemlou ding chihtan in kiphinna nei leng i buainate govt lam in hon ngaihsak baih di’n ka gingta hi.
Q14. Kumzabi 21-na ah kituaklutta hinapi in mihing khawsakna a thil poimawh masate (basic needs); tui-dawn, kikawmtuahna lampi, damtheihna & sianthouna, siamsinna leh meivak chihte tunitan I gam ah, abikin Zodawn kiningching ngah in om deklou hi. Hiaite tawh kisai na geldan chiangtak na hon taklang thei diam?
CT Lian Guite : Eilam ah thil i ngaihtuah himhim chiang un, thil teng abikin govt apan a free gift dingdan in kikoih hi. Etsakna ding in, Electric leng nidangin meter hongthuah ma un transformer phuakkhak gige om a, himahleh tua meter (prepaid) hon thuah uleh hong hoih mai. Huaiziakin, tui tawh kisai in singtang, Zodawn hitawk lehleng unit khat kifit henla paid ding ngen in kihihleh huaichianga thil hong kiching pan ding hi’n ka ngaihtuah a, kikhawmtuahna ahihleh eilam ah PMGSY kichi om a, inn 25 a om nakleh huaikhuate kikhawmtuahna ding bawl ding chih om hi. MLA ichihte policy leh enkaitu hi uh a, hoihtak a enkai himai zenleu, kikawmtuahna hong hoih thei ding a, damtheihna pen ah a omlou a omkei a, PMGSY le a om a, PHC, PHSC, CHC chihte a om vek a, a omlou a omkei a, siamsinna dingah leng school leng a om vek a, a thak leng bawlluat ngai kasa kei a, a etkaina mahmah hoih peuhmah henla, MLA te’n checklist hoihtak in nei le uh hong kifunction mai ding hi’n ka ngaihtuah.
Q15. Siamsinna tawh kisai Manipur Hill Areas huapsung ah segawp petmah ahihdan tangpi-tangta theih ahi: Puahphatna sawm himhim hia? Ahihleh, na geldan chiang huntawk in na hon hilhthei diam?
CT Lian Guite : Puahphatsawm tham e, huai ipuahphat theihna dingin, lampi (Communication) a hoih masak poimawh a, damtheihna lam a ki-etkolna ding a hoih ngai nawn hi. Lampi ginatlouh ziak mah in, vanman mahmah leng kikhai hi. Imphal leh Lamka kikal lampi hoih a, tua ziakin, Lamka a omte’n Imphal lam a tensuk kisawm ngeilou a, a poimawhte damlouhna vai ah leng zan khat thu a damdawi inn kitung sukthei ihi uhi. Hiai pen communication a hoih ziak ahi hi. Huaiziakin, i singtang dawn uah lampi hoihtak in ngai poimawh leng dakkal kim khat, dakkal 2/3 a i tunlouh ding hilou ahihna ah, huaite khah den a igen school puahphatna dingin MLA khat in school enkaitute tawh kisai check list hoihtak nei henla, huanah lampi hoihtak a bawlhoih in, hiai teng bawlhoih leng igam a zodawn khanthouna hong om ding hi. Huchibang ahihman in, qualified teacher te’n vasem thei lou uh a, school omna khua a qualified loupipi khong in hilh sek uh a, huaite Lamka a hongtun chiang un, qualified lou in a hilh ahihmah ziakin kuamah hon compete zoulou uh a, zumzel un, kik zel uh hi’n ka mu hi. Education a teacher-te lawh a sanna pen bangdang hilou in a qualified penpen a tamlawh penpen, kam dangleng a lunggulhlouh ua atan det theihna ding ua bawl ahih ziak ahi hi. Nidanga IAS bang tam ichih leh Sapte bang, Kerela-te bang in igam a ginomtak a honsem uh a, ikhaw tuallouhna mun ah kuapeuh kiginom ahihna ah a khawtual lou tata bang omthei leh tuasangin a hoihzaw diam chih bang ngaihtuahna a om hi.
Q16. Posts & Services in Manipur for SC/ST Act, 1976 om hinazenpi a tunitan ‘Rules’ bawlkhiak a “Gazette of Manipur” ah suah (published) mai ding pen, hun paisate ah Tribal MLA kuamah in ngaihsak het lou uh hileh kilawm; Nang MLA a na hong pan chiang in banglawh ding na chi a? Hih ding a hoih na sakdan chiangtak in na hon hilh thei diam?
CT Lian Guite : Hiai tawh kisai hoihtak a study bawlmasak ahiding a, bawltuak omte ah pan nasatak a lak hiding hi. Huaibanah, Post leh service banah Employment Law ut hunhun a kitransfer chihte pen policy khat om ding, zuihding dan kichiantak a gelhthoh a om ding chihte bangleng ka tup tampite laka khat ahi. Govt dept om tengteng in, akai hun ding un, a tawp hun ding uh, a nasep ding leng peding, kum 2 dan a transfer theih chihdan pian khat policy leh office procedure bawlkhiak a etkai poimawh kasa a, sepsuah leng kasawm hi.
Q17. Posts & Services tawh kisai Manipur Solkal nuai ah Department teng ah Tribal Quata ahi ding bangtak a hamphatna angahtu diing diktakte kiang ah piak a om lou, banah phaijang mite’n hon laksuh uh ahi chih thudik ahi: Hiai tawh kisai adamsakna (solution) bangchi a bawlkhiak na sawm a?
CT Lian Guite : MLA khat hihziaka thil tengteng va kihih thei bel hilou, hilele mipi representative ahihna uah, dawtna dan a thil ompen evidence liantak tawh om theihnak leh diklou omte khempeuh bawlhoih dinga mansa gige ka hihbanah bawlhoih zou dia leng kimansa ka hi.
Q18. Na manifesto a nagelh “Hun paisa a midangte hih dan eng maite hilou in – i lungsim leh theihna tan zang in i sepzawh louh dingte genlou in, i sep sunsunte setdou dingin GIN OMNA LEH DIKTATNA suangin nna i sem ta ding uh”. Hiai ah na sepsuah zawh dingteng mah guang na hidiam? Diktat tak a nasep theih ding mah adiam?
CT Lian Guite : Diktattak a nasep chih a hih theihlouhna ding om mawk di’n ka koih kei hi. Diktatna ichih pen ken kamuh diktattak a ka sepsuah hizaw dan in kala a, a system omsa pen va mawkkhen theih vual ahihlouhna ah, kei sepsuah dia ka kianga ompeuh mah diktattak a sem suah ding chihna hi’n ka la hi. Manifesto a guana omte sepsuah zawh dingteng mah guan ahi.
Q19. Na manifesto mah a, “district sung a di mongmong, mite’n a gamsung ua gamdangmi lut ding peuhmah enchian (verify) masa ua – banghih ding, bangsem ding, koi a om ding, bangtan om/taam ding, chihte atheihchet nading ua abawl uh toh kibang, en leng i gamsung ua i zat ding uh – Meitei, Vai leh a dangdang honglut thak teng chiamteh khiak a i khopi sung a sumbukte i humbit thei nading ua policy bawl hoih kasa hi. Hichi bang policy khat nei a local business-te midangte khut a pat humbit utna ki nei in ki impliment ut mahmah hi”. Hiai pen MDC leng na hihna ah ADC level a bawlthei mailou hia? Ahihkeileh MLA-te bawltheih ding mah diam?
CT Lian Guite : A taktak abel ei tribal sung(Hill district) a bel ADC in a power a trade, vanman chihte a thunuai ua om hi a, ADC te’n policy bawlthei uhi. Dan omsa pen dungzui a a sunga omte’n bawltheihna kinei tham hi. State a bawlte’n direct a plain a implement thei uh a, hill area a ding bel i object theihna dan khat kinei sam a, ADC a consult ding uh ahi. Parliament a MP te’n Constitution Amendment abawl ding uleh MLAte a consult bang dan deuh uh ahi hi. ADC in kou district a zuih ding dan hiai bang kibawl a, MLA te’n hon passed sak ua, dan a hon gelhlut sak ding uh ahi, huchilou a, State in dan hon bawlkhum leh kou district a kizang theilou ding dia daltheihna Autonomous ihihchia neiveve thou ihi uhi.Tunitan hichibang a i omna pen hon donglou uh chih ziak khong hi a, hon dot kei uleh leng bangchidan a chia Article No pan a dotna bawltheih hi a, CM tanpha leng chou ngam ding MLA om nailouh hi. JCB zangin tui paina ding hong khuat uh a, State, DC, leh ADC apan permit ka ngen a, concern MDC ka hihna, CM work ahi a, work order omlou hon chithei om a, JCB mantang in kana kham hi. Hiai dan a i right exercise theih ding kipoimawh petmah hi.
Q20. Damtheihna tawh kisai in Public Private Partnership (PPP) model zat a Semi Private a Imphal te’ neih sanga hoihzaw bawl ding na gen a, hiai pen MLA level a hihtheih ding adiam? Bangchibang a sepsuahna sawm a?
CT Lian Guite : Hitheih tham e. MLA khat in kum 5 sung a semkha thei tham ding hi. Etsakna PPP model a Sewerage bang bawl ding hita leng govt in infrastructure lam pawkhe ding, local area a mipi hiam ahihkeileh organisation/club khat enkaisak ding in a fee dan leh etkaina sem ding himai hi. A enkaitu ding omleh hoih mai di’n ka koih hi.
Q21. Namdangte tawh kisai ah, Lamka ah leng singtangmi hilou namdang honglut tamsem ua, non-local voter leng Gangte population sang in a tamzaw ta a, patauh huai hi in na ngaihsun hia, ahihkeileh, electoral rights tungtawn a nambing poimawhtak khat hong hiding un na ngaihsun zaw hia?
CT Lian Guite : Hiai tawh kisai ka ngaihdan zaupi khat a om a, UK khawng US khawng a hoh dek chia VISA i neihdan piansim ineikei uh a, hiaidan deuh LATSEA min in ana kibawl a. Driving License nasan Assam a omte hongla thei mawk uh, Rs. 400 khong a laktheih mai ahihchia. Huaidan deuh in, electoral roll bangle ana ki-loose lua in, vaite hon tenna ziak nekzonna hi a, igam ah permit pen nuamlua ahihchia, vapai a ngah theihmai ahihchia. VISA tight deuhdeuh gam banga hahtak a i bawlkei leh mi a honglut khit nungchianga, va hawlkhiak theih nawnlouh a, amau leng Indian citizen hihna ah rights khat ana neisam uhi. Huaiziaka, trade ngen a honglut ahihman un, hoihtak a etkai hileh honglut ding daltheih di’n kamu.
Q22. KHUGA DAM POWER GENERATION tawh kisia in Khuga Dam I muhdan un kichim haklou ding bangin kigen a, nang turbine-generator thuah a electricity paimai di’n na gen a? Hiai pen thil hithei mah ding adiam?
CT Lian Guite : A chipthu inbel mawkchip kei ding a, zinling hiam banghiam ziak ahihkei ngalleh. Khuga Dam nuai ah sepaihte omna nungah a pipe omsa om a, a khangah turbine omna ding kibawlsa khat om hi. Lamka khawpi’n 15 Mw kia poimawh a, Mw 2/5 lel produced sak thei lengle bangtan hiam ah phattuam mahmah di’n kamu hi. Hiai kizanglou a ompen bang chizat theih ding a chih ngaihtuah poimawh a, zatheih dia bawl ahih hun ah PPP a bawl a kitoudelh saktheih di’n kamu.
Q23. I gam ah tulai in halhthakna chikhat hongtung in amuhtheih a, I gamsung ah nekgukna leh diktatlouhna gu thuaklah I tam ziakun mipi lamte’n leng diktatna lunggulh in, amaute palai dingte leng mi diktat mah deih uh ahi chihbang thuthang a tam a, i diktaklouh ziak ua igam uh khangtou theilou, i tate’n igam a lam-etna neilou a mundanga om, huailam alah va bit tuanlou uh, i institutions uh buaitak a om, i gam hausaknate gukkhiak leh i gam tanpha khahsuah theihding a ki-om. Kon dot nawp ahihleh, hiaite kuate ziak ahidia? Bang chi’n pan i la theih dia?
CT Lian Guite : Hiai pen MLA hoihtak nei a, policy zeksiam leh vision neih poimawh a, i gam i endia ikhan ding dan a khan poimawh kasa. Pathian in 4570 sq km gam honpia a, bang a ilaihsuah theih ding chih ngaihtuah tham ching hi. East Act policy bang eilawi ading ahi a, vaite hon sep ding hituanlou hi. Siamsinna ah sum tampi iseng uh a, gamdanga tamzaw zat in om a, huaiziakin MLA te’n policy hoihtaktak zek a, igam mah a, ikhawsuah theihna ding zek khiak theih ding line tuamtuam ah tampi om hi. Zanlam in Meitei-te phulunte Lamka lam a honpuakte uh kava enleh amau le lei apan mah a chiing uh ana hi a, eigam aleng lei omlua ahihchia chih ngaihtuah tham ching kasa mahmah hi. I leitang zat dingdan kitheilou kasa a, ka buaipih ahihleh sep ut kitam, hileh i sep ding theilou, a sem ding om sunsun te’n lah capital ding neilou, i bank zang theilou, MLA ihih keileh kuaman hiai lam a project bawl ngeilou ding hi’n kamu hi. PHC bawl, aluahtu ding omlou, Lanva block bawl, aluahtu ding omlou. A sumkia a lunglut kibang, function sakleng mipi adingin bangzahta in a nakvak ding ua chih ka ngaihtuah hi.
Q24. MLA lawhching kichi na tehna bang ahia?
CT Lian Guite : MLA lawhching bel thil ahiding bangbang asem a, a result pen mi’n a kipahpih theih ding hi’n kamu.
Q25. Telching in omkei lechin, election result pen mipi deihtelna hi in na pomsiam diam? Nang chinlouh ziakin mipi adia thil poi thei, taan lawh ding a om diam?
CT Lian Guite : Result pen ahihbangbang in ka pomsiam ding. I chihzawh keileh i sep a tawmlai a himai chia khiak theih di’n ka gingta. Mipi adi’n bel a poina ding omkei mahleh tampi semnuam pen hon telching kha lou uh suak ding a, ken bel gam humbit a, gamsung apan nek muhtheihna ding, amah-leh-amah akitoudelh theihna ding bawlkhiak sawm kihi a, mi hiam party hiam a kinga a, kum 5/10 a party danga kinga nawnte bang hilou a, Pathian honpiak igam pansan a mahni a kitoudelh theihna ding om ahi chih kamuhdan om ziaka huai semsuahnuam ka hi a. Hiai teng semkhe theilou ding chihna ahi hi.
Q26. Na political career bangchi in na mu a ?
CT Lian Guite : Ka political career lawhching kasa, MLA election beileh ka career se tuan di’n ka gingta kei a, tha honpe zaw ding in ka gingta a, ka sep ngeingei kasem ding a, ka nna a lunglut leh nuamsa a ka hihman in, ka lungke mawk kei ding a. Ahuntung nailou chih ding himai.
Leave a Reply