Ropiang Foundation in Guite Kual ah puan 350+ hawmkhia

ROPIANG FOUNDATION IN GUITEKUAL AH PUAN 350+ HAWMKHIA

Pathian panpihna toh, apaisa kiginni leh pathianni in Ropiang Foundation in Guitekual kho tuamtuam ah branded clothes (t-shirt, jacket, khekol) hawmna lohchingtak in nei uhi.

Ropiang Foundation Chairman, Dr. Thangchinkhup Guite in makaih in anuai a khua te ah puan 350 vaal kho hausate toh pangkhawm in hawm uh, anuai a bang in:
– Maukot (16 clothes)
– Mongken (25 clothes)
– Tuiveljang (18 clothes)
– Enpum (18 clothes)
– Suangdoh (43 clothes)
– Lungchin (27 clothes)
– Lungthul L (32 clothes)
– Pumlong (35 clothes)
– Kangkap (80 clothes)
– Thuangtam (19 clothes)
– New Kangkap (16 clothes)

Hiai hawmna a huhdiing in Ropiang Foundation volunteer anuai ateen panpih uhi:
– Pa Langkhochin
– Pa Sumzamung
– Tangval Lamminlun
– Tangval Sonkim
– Tangval Muansang
– Tangval Paugoumuan

Kiginni zingkal baihtak a kipan in kho tuamtuam a poimoh diakte kiah puan hawm ua, Tuima a giaklut kawm a ahawm nung un zan nitaklam in Lamka damtak in tungkiik uhi.

Hichibang nahoih sepna Clothes Box Foundation te kiphal ziak hisawn a, mipite hampha kisa in, mang a mat phaaklouh puan hoih tatak khawng kitang chi in akipahdan gen uhi.

Dam a alemtaan leh October khabul lak in Mualnuam, Songtal, Sinzawl leh kho tuamtuamte ah hawmnawn diing uhi.