Community Hall, NEHU Campus, Shillong, Meghalaya ah Inter-Stare Mizo Students’ Meet July 16-18 sung daih ding neih in om hi. Hiai hun seh thum a khen hi a, Welcoing night, Seminar hun, Cultural night leh Farewell night zang uhi.
Hunkhatna ‘Welcoming night’ July 16 nitaklam dak 4:00 in ‘Unity in diversity’ chih thupi zang in kipan a huai hun ah Chief guest in Pu R.Lalzirliana Hon’ble Art & Culture Minister, Govt. of Mizoram pang a, Guest of Honor in Dr. Lalrintluanga Jahau, Director, Zoram Mega Food Park pang hi. Programme hunsung in Cultural dance, solo, speech leh Lapawl leng sak in om hi.
Hun nihna July 17 zinglam dak 10:00 (Session-I) in ‘Unity’ chih thupi zang in Seminar hun neih in om a huai ah Visiting Prof. K. Biakthianghlima, Govt. T. Romana College in ‘Ram leh Hnam Nghahfak Zirlaite’ chih thupi pansan in seminar hun zang hi.Huai hun ah Conrad Sangma, Hon’ble Chief Minister, Govt. of Meghalaya pang hi. Session-II hun ah Prof C. Nunthara in ‘ZO tawng hrang hrang chungchang’chih thupi pansan in seminar hun zang hi.
Hun thumna July 17 nitaklam dak 4:00 in ‘Cultural Night’ programme kipan a huai hun ah Chif guest in James Sangma Home Minister, Govt of Meghalaya pang hi. Programme hun sung in Siamsinpawlpi (SSPP), Mara Students’ Organisation (MSO), Hmar Students’ Association (HSA), Kulva Cultural Club (MSU), Lai Students’ Association (LSA), Khasi Students’ Union (KSU), Hynniewtrep Youths’ Council (HYC) leh Pang Zirlai Pawl (PZP) te’n cultural dance lakkhia uhi.
Hun lina July 18 nitaklam dak 5:00 in ‘Farewell Night’ zang uh a, huai hun ah Chif Guest in Pu Robert Romawia Royte, Hon’ble Tourism Minister, Govt. of Mizoram leh Guest of honor in Pu Er.Lalzirliana, Hon’ble MLA, Gov’t of Mizoram pang uhi. Programme hunsung in lasiam tuamtuam leh lawpawl om banah, mi tuamtuam apan thugenna leng om hi.
Leave a Reply