Imphal, Feb-11: Ahong tung ding Valentine’s Day Feb-14 2021 nitaklam dak 1 apan in YPA Hall, Laimanai, Imphal mun ah, SiamSinPawlPi JHQ Imphal in fundraise na in Musical Glam kici hun zang ding uhi. Hiai hun ah zomi lak a lasa siam penpen te lak a khenkhat Jenny Thomte, RDi, Christy Valte, Muan Hangzo, Kenedy Vaiphei, Asherie, Christina Shakhum leh Artist dang hunkhop in perform ding uhi. Hun paisa bangtan hiam apan in, SSPP JHQ Imphal in Branch te panpih na toh Imphal a vengcih ah ticket zuak na ana panta uhi. Himahleh, Imphal a inn-cih a ticket zuak nadia siksuak haksa hi’n saitute’n gen uhi. Tuaban-ah, SSPP in Siamsinna lam tuamtuam a maban adia project aneih te uh, sepsuah nadia sum poimoh ding ahihna ah, huai te a zat ding a fundraise bawl a om ahihdan Sawm Guite, President in gen hi. SiamSinPawlPi Imphal panpihna a tuni tan ticket lakha nailoute’n, hiai anuai a kipia te kiang ah ticket lei/muh theih ding:
Imphal: MobiCare Dawr, Lamphelpat; Donglianmang @ 9862197281 leh Branch chih a heutu te
Lamka: Cindy Pal @ 8415031633
Leave a Reply